દિલ્હી ઇન્ટરનેશનલ ફૅશન વીકના ફાઉન્ડર અને પ્રેસિડન્ટ સંજય કન્નન પોતે એક ખ્યાતનામ ફૅશન ડિઝાઇનર પણ છે. માર્ચ મહિનામાં દિલ્હી ખાતે ફૅશન વીકનું આયોજન કરી રહેલા સંજયે તેમના આગામી આયોજનની સાથે ભાવિ યોજનાઓ અંગેની પણ જાણકારી આપી હતી.
આપની જાણ ખાતર, મૂળ તમિલનાડુનો કન્નન પરિવારે વરસોથી દિલ્હીને પોતાની કર્મભૂમિ બનાવી છે. દિલ્હીમાં જ ભણતર પૂરું કર્યા બાદ એક ખ્યતનામ બેન્કમાં ઉચ્ચ હોદ્દા પર નોકરીએ લાગ્ય. પરંતુ ફૅશન ઇન્ડસ્ટ્રી અને ફૅશન ડિઝઇનિંગની ભારે સૂઝ ધરાવતા સંજય કન્નને દસેક વરસ પહેલા નોકરી છોડી ફૅશન ઇન્ડસ્ટ્રીમાં જંપલાવ્યું. એક પછી એક સફળતાની સીડી ચડી રહેલા સંજયે માત્ર ડિઝાઇનર બની રહેવાને બદલે દેશ-વિદેશના કલાકારો અને મૉડલ્સને એક પ્લેટફોર્મ પૂરૂં પાડવાની યોજના બનાવી. તેમની એ પરિકલ્પનાને પગલે દિલ્હી ઇન્ટરનેશનલ ફૅશન વીકનો શુભારંભ થયો.
છેલ્લા દસેક વરસમાં સંજયે દેશ-વિદેશમાં અનેક શો કર્યા છે. આ અંગે ,જયે જણાવ્યું કે આપણે ત્યાં પેરિસ કે મિલાન ફૅશન વીકની વાતો થાય છે પણ ભારતીય કલાકારોને ત્યાં ખાસ પ્લેટફોર્મ મળતું નથી, પછી એ ડિઝાઇનર, મૉડેલ્સ, બ્રાન્ડ હોય કે સ્ટાર્ટઅપ. આ તમામને આંતરરાષ્ટ્રીય મંચ મળે એ માટે દિલ્હી ઇન્ટરનેશનલ ફૅશન વીકની શરૂઆત કરી. આને કારણે ભારતની ફૅશન ઇન્ડસ્ટ્રીને વિશ્વભરમાં તેમની ટેલેન્ટ દર્શાવવાનો અવસર મળી રહે છે. એ સાથે વિશ્વની સંસ્કૃતિની જાણકારી પણ દેશ-વિદેશના લોકોને મળી શકે છે.
માર્ચ મહિનામાં દિલ્હી ઇન્ટરનેશનલ ફૅશન વીકનું આયોજન દિલ્હી ખાતે થવાનું છે. જેમાં ભારત ઉપરાંત વિદેશના ડિઝાઇનર-મૉડેલ્સ ભાગ લઈ રહ્યાં છે. ઉપરાંત અનેક બ્રાન્ડ્સને પણ તેમની પ્રોડક્ટને રજૂ કરવાનો અવસર મળશે.
