જાણીતા ઉદયોગપતિ અને સિને બસ્ટર ફિલ્મ મેગેઝિનના માલિક રૉની રૉડ્રિક્સે હવે એજ્યુકેશન ફિલ્ડમાં એન્ટ્રી કરી છે. તેમણે મુંબઈની પંચતારક હોટેલ જે. ડબલ્યુ મેરિયટમાં આયોજિત એક શાનદાર કાર્યક્રમમાં પીબીસી એજ્યુકેશન એન્ડ ફાઇનાન્શિયલ સર્વિસીસ પ્રાઇવેટ લિમિટેડને લૉન્ચ કરી હતી. આ અવસરે ખાસ મહેમાન તરીકે બૉલિવુડ-ટેલિવુડના જાણીતા નિર્માતા ધીરજ કુમાર, અભિનેતા દર્શન કુમાર, અભિનેત્રી નાયરા બેનર્જી, સંગીતકાર દિલીપ સેન, પંકજ બેરી, આરતી નાગપાલ ઉપરાંત એજ્યુકેશન ફિલ્ડની અનેક હસ્તીઓ ઉપસ્થિત રહી હતી. પીબીસી એજ્યુકેશન એન્ડ ફાઇનાન્શિયલ સર્વિસીસ પ્રાઇવેટ લિમિટેડના ચીફ એડવાઇઝર ડૉ. રાજા રૉય ચૌધરી પણ આ પ્રસંગે ખાસ ઉપસ્થિત રહ્યા હતા.
મુંબઈના સાંતાક્રુઝ ખાતે કંપનીની રજિસ્ટર ઑફિસના ઉદઘાટન બાદ રૉની રૉડ્રિક્સે પંચતારક હોટેલમાં પ્રેસ કૉન્ફરન્સની સાથે કંપનીને ધામધૂમથી લૉન્ચ કરી હતી.
આ પ્રસંગે રૉની રૉડ્રિક્સે જણાવ્યું કે, આજે દેશમાંથી અનેક વિદ્યાર્થીઓ ઉચ્ચ અભ્યાસ માટે વિદેશ જવાનો વિકલ્પ પસંદ કરે છે. પરંતુ વિદ્યાર્થીઓને યોગ્ય માર્ગદર્શન મળતું ન હોવાથી વિદ્યાર્થીઓ અને તેમના વાલિઓને કારણ વગર વધારાનો બોજો ઉઠાવવો પડે છે. એવું પણ દાખલા જોયા છે જેમાં અનેક કન્સલ્ટન્સી વિદ્યાર્થીઓ અને તેમના વાલિઓ પાસે છેલ્લી ઘડીએ ખોટી રીતે વધુ પૈસા પડાવતા હોય છે. મેં પોતે એક વિદ્યાર્થી સાથે આવું થતું જોયું છે. એની પાસે અમુક રકમની માગણી કરવામાં આવી હતી પણ છેલ્લી ઘડીએ વધારાના 20-25 લાખ રૂપિયાની ડિમાન્ડ કરવામાં આવી. આવી પરિસ્થિતિમાં વિદ્યાર્થી અને એના માતા-પિતા લોનના વધારાના બોજ તળે દબાય છે. આવા સંજોગોમાં પીબીસી એજ્યુકેશન એન્ડ ફાઇનાન્સિયલ સર્વિસીઝ પ્રાઇવેટ લિમિટેડ શરૂ કરવાનો નિર્ણય લેવામાં આવ્યો. આ કંપની વાસ્તવિક, પ્રમાણિકતાની સાથે ઇમાનદારીપૂર્વક સેવા પૂરી પાડશે. અને એટલા માટે અમારું સ્લોગન છે, અમે ઇમાનદારીમાં વિશ્વાસ ધરાવીએ છીએ.
અત્રે ઉલ્લેખનીય છે કે આ સર્વિસ દરમિયાન કોઈ છૂપા ખર્ચ નથી. વિદ્યાર્થીઓને અપી સેવા માટે નામમાત્રની ફી એક જ વખત લેવામાં આવશે. આ કંપની દ્વારા પ્રતિભાશાળી વિદ્યાર્થીઓને કોઈ પણ કડક નિયમો અને શરતો વગર લોન આપવાની પણ યોજના છે.
વિદશમાં ભણવા માગતા વિદ્યાર્થીઓને માર્ગદર્શન આપવા ખાસ વિશેષજ્ઞોની સેવા પણ લેવામાં આવી રહી છે. જેમાં પીજી કેમ્પસના ડીન અને ડિપાર્ટમેન્ટ ઑફ લૉના ડિરેક્ટર, પ્રેસ્ટીજ ઇન્સ્ટીટ્યુટ ઑફ મેનેજમેન્ટ એન્ડ રિસર્ચ-ઇન્દોરના રવિ રાજા મુખ્ય છે. જેમની પાસે વરસોનો શૈક્ષણિક ક્ષેત્રનો અનુભવ છે જે વિદ્યાર્થીઓને ઘણો સહાયરૂપ બની શકે છે. ઉપરાંત કંપનીનું કામકાજ સૂચારું રૂપે ચાલે એ માટે અમેરિકા અને સિંગાપુરની કંપનીઓનો પણ સહયોગ લેવામાં આવ્યો છે. તો ટૂંક સમયમાં યુકે, કેનેડા અને યુરોપના અન્ય દેશોની કંપનીઓનો પણ સમાવેશ કરાશે. હાલ અમેરિકા ઑફિસ્નું કામકાજ આઇઆઇટી ગ્રેજ્યુએટ ડૉ. કિરણ કદમ સંભાળી રહ્યા છે. તો સિગાપોરની જવાબદારી એજ્યુકેશનલિસ્ટ ધર્મરાજ થંગરાજ હસ્તક છે. જ્યારે રૉની રૉડ્રિક્સ અમેરિકા અને સિંગાપુર સ્થિત પીબીસી એજ્યુકેશન એન્ડ ફાઇનાન્શિયલ સર્વિસીસ એલએલસીના ડિરેક્ટર છે.
પીબીસીની ત્રણ કંપનીઓ પીબીસી એજ્યુકેશન એન્ડ ફાઇનાન્શિયલ સર્વિસીસ પ્રાઇવેટ લિમિટેડ, પીબીસી એજ્યુકેશન એન્ડ ફાઇનાન્શિયલ સર્વિસીસ એલએલસી (યુએસએ) અને પીબીસી એજ્યુકેશન એન્ડ ફાઇનાન્શિયલ સર્વિસીસ પ્રાઇવેટ લિમિટેડ (સિંગાપુર)ના ડિરેક્ટર તરીકે કીર્તિકુમાર કદમ મુંબઈ ઑફિસનું કામકાજ સંભાળશે. સુજાના અલફોન્સો માર્કેટિંગ બૉર્ડ સંભાળશે તો દીપેશ સોમૈયા ટ્રાવેલ પાર્ટનર રહેશે અને વિઝા, ટિકિટ અપાવવામાં સહાયરૂપ બનશે.
