વેસ્ટ ઇન્ડીઝ સામેની બે મેચની શ્રેણીમાં ધમાકેદાર રમત બતાવીને દક્ષિણ આફ્રિકાએ 2.0થી સિરીઝ જીતી લીધી હતી. બીજી મેચમાં જીતવા યજમાનોને 324 રનની જરૂર હતી પરંતુ કેશવ મહારાજની શાનદાર હેટ્રિક સામે ટીમ બીજી ઇનિંગમાં 174 રન જ બનાવી શકતા દક્ષિણ આફ્રિકાએ બીજી ટેસ્ટમાં વેસ્ટ ઇન્ડીઝને 158 રનના વિશાળ માર્જિનથી જીત મેળવી હતી.
લેફ્ટ આર્મ સ્પિનર કેશવ મહારાજ ટેસ્ટ મેચમાં હેટ્રિક લેનાર દક્ષિણ આફ્રિકાનો બીજો બોલર બન્યો હતો.
દક્ષિણ આફ્રિકાએ વેસ્ટ ઈન્ડિઝને બીજી ટેસ્ટમાં 158 રનથી હરાવી બે ટેસ્ટ મેચની શ્રેણી 2-0થી જીતી લીધી હતી. દક્ષિણ આફ્રિકાના લેફ્ટ આર્મ સ્પિનર કેશવ મહારાજે 36 રનમાં પાંચ વિકેટ ઝડપી હતી. જોકે બીજી ઇનિંગમાં 324 રનના લક્ષ્યાંકનો પીછો કરતાં કેરેબિયન ટીમ માત્ર 165 રનમાં આઉટ થઈ ગઈ હતી.
વેસ્ટ ઇન્ડીઝ તરફથી પોવલે સૌથી વધુ 51 રન બનાવ્યા હતા. મહારાજે એની 37મી ઓવરમાં પોવેલ, જેસન હોલ્ડર (0) અને જોશુઆ દ’સિલ્વા (0) ની વિકેટ ઝડપીને હેટ્રિક પૂર્ણ કરી. મહારાજ પહેલાં એકમાત્ર ઝડપી બોલર જયોફ ગ્રિફિને દક્ષિણ આફ્રિકા માટે હેટ્રિક લીધી હતી. જેણે 1960 માં લોર્ડ્સમાં ઇંગ્લેન્ડ સામે સિદ્ધિ હાંસલ કરી હતી. મહારાજ વેસ્ટ ઇન્ડીઝ સામે હેટ્રિક લેનાર પ્રથમ સ્પિનર પણ બન્યો હતો.
