ગોકુળધામની પુરુષ મંડળીની પાર્ટી-શાર્ટીવાળું સ્પેશિયલ ડ્રિન્કે બાઘા પર અસર કરવાનું શરૂ કરી દીધું. સ્પેશિયલ ડ્રિન્ક પીધા બાદ બાધાનું વાંકું શરીર સીધું થઈ ગયુ છે. પણ એણે એવી હરકતો કરવા માંડી કે ગોકુળધામવાસીઓ હેરાન-પરેશાન થઈ ગયા છે. મહિલા મંડળ ટેન્શનમાં છે કે કોલ્ડડ્રિન્ક પીધા બાદ બાઘાને આ શું થઈ ગયું. તો બીજી બાજુ પુરુષ મંડળીને તેમની ચોરી પકડાઈ જવાનો ડર સતાવી રહ્યો છે.
હકીકતમાં બાઘો ભૂલમાં તીખી તમતમતી વસ્તુ ખાઈ લે છે અને મોંઢાની લાય શમાવવા પુરુષ મંડળીનું સ્પેશિયલ ડ્રિન્ક ગટગટાવી જાય છે. પછી શું… બાઘો અજીબોગરીબ વ્યવહાર કરવા લાગે છે. પોતાની ધૂનમાં ગીતો ગાય છે, ડાન્સ કરે છે અને અચાનક ગાયબ થઈ જાય છે. ઘણી શોધખોળ બાદ બાઘો રિસોર્ટમાં ફિલ્મી ડાયલોગ બોલતો મળી આવે છે.
બાઘાને પુરુષ મંડળીનું ડ્રિન્ક કેવી હાલતમાં મુકી દે છે અને સીધો બનેલો બાઘો સીધો જ રહે છે કે પાછો વાંકો એ તો તારક મહેતા કા ઊલ્ટા ચશ્માના આગામી એપિસોડમાં જાણી શકાશે.
