૭૨ અવર ફેમ અભિનેતા – દિગ્દર્શક અવિનાશ ધ્યાની તેમની નવી ફિલ્મ સુમેરુ લઈને આવી રહ્યા છે. સુમેરુ એક ઇમોશનલ રોમેન્ટિક લવ સ્ટોરી છે. અવિનાશ તેમની ફિલ્મોમાં ન સાંભળેલી વાર્તાઓની સાથે ઉત્તરાખંડના નયનરમ્ય લોકેશન પર રિયલ લાઈફ કેરેક્ટર્સ અને રંગમંચના કલાકારો સાથે ફિલ્મનું નિર્માણ કરે છે.
ફિલ્મ સર્જકો દ્વારા સોશિયલ મીડિયા પર ફિલ્મ સુમેરુનું પોસ્ટર રિલીઝ કરવામાં આવ્યું હતું. પોસ્ટર પર મુખ્ય અભિનેતા અવિનાશ ધ્યાની અને અભિનેત્રી સંસ્કૃતિ ભટ્ટ રોમેન્ટિક અંદાજમાં જોવા મળે છે. ફિલ્મની ટેગ લાઈન છે… રે છોરે યો પ્યાર હૈ થારી સમજ કે બાહર હૈ.
પદ્મા સિદ્ધિ ફિલ્મ્સ બેનર હેઠળ નિર્મિત સુમેરુના લેખક – દિગ્દર્શક અવિનાશ ધ્યાની છે. તો મુખ્ય કલાકારો છે અવિનાશ ધ્યાની, સંસ્કૃતિ ભટ્ટ, શગુફ્તા અલી, સુરુચિ સકલાની, અભિષેક મૈંદોલા, પ્રાશિલ રાવત, સતીશ શર્મા, જીત માઈલા ગુરંગ, અરવિંદ પંવર, માધવેન્દ્ર સિંહ રાવત. ફિલ્મના નિર્માતા છે રવીન્દ્ર ભટ્ટ અને અવિનાશ ધ્યાની.
ગુમ થયેલા પિતાની શોધમાં ભંવર પ્રતાપ સિંહ બધું છોડી ઉત્તરાખંડ પહોંચે છે. અહીં એની મુલાકાત સાવી સાથે થાય છે જે એના ડેસ્ટીનેશન વેડિંગ માટે ઉત્તરાખંડના ખૂબસૂરત શહેર હર્ષિલ આવી છે. સાવી પણ ભંવર સાથે એના પિતાની શોધમાં જોડાય છે. અહીંથી શરૂ થાય છે બંનેની લવ સ્ટોરી. ફિલ્મ ૧ ઓક્ટોબર ૨૦૨૧ના રિલીઝ થઈ રહી છે.
