રાજપરા: શ્રી ખોડિયાર માતાજીના આશીર્વાદ સાથે રાજપરા સ્થિત શ્રી ખોડિયાર મંદિર ધામ ખાતે નવરાત્રિ મહોત્સવ અંતર્ગત નવચંડી યજ્ઞનું આયોજન કરવામાં આવ્યું છે. શ્રી અમિતપુરીબાપુના સાનિધ્યમાં યોજાનારા આ ધાર્મિક કાર્યક્રમમાં ભક્તોને સહભાગી થવા આમંત્રણ પાઠવવામાં આવ્યું છે.શ્રી ખોડિયાર માતાજીના ધામે 20 ઓક્ટોબરે ધાર્મિક આયોજન, 551 કુંવારીકાઓનું પૂજન પણ યોજાશે
આયોજન મુજબ, સંવત ૨૦૮૨ના આસો સુદ-૮, તા. ૨૦ ઓક્ટોબર, સોમવારના રોજ સવારે ૯:૩૦ વાગ્યે નવચંડી યજ્ઞ યોજાશે. સવારે ૮ વાગ્યે સંકલ્પ યજ્ઞ, ૧૦:૩૦ વાગ્યે ૫૫૧ કુંવારીકાઓનું પૂજન તથા બપોરે ૧૨ વાગ્યે માતાજીની લંગર પ્રસાદીનું આયોજન રાખવામાં આવ્યું છે. ધાર્મિક ઉત્સવમાં મોટી સંખ્યામાં શ્રદ્ધાળુઓ જોડાય તેવી અપેક્ષા છે એમ અમિતગિરિ બાપુએ જણાવ્યું હતું.
