દુર્ગા દેવી નવરાત્રિ ઉત્સવ સમિતિ, બોરિવલી અને સુનીલ રાણે દ્વારા રંગરાત્રિ ડાંડિયા નાઇટ્સના આયોજન માટે તાજેતરમાં બોરિવલીના પ્રીમિયમ કચ્છી ગ્રાઉન્ડ ખાતે ભૂમિ પૂજન કાર્યક્રમ સંપન્ન થયો હતો. ભૂમિ પૂજન કાર્યક્રમમાં વિધાન સભ્ય સુનીલ રાણે, વર્ષા રાણે ઉપરાંત કાર્યક્રમના આયોજકો ઉપસ્થિત રહ્યા હતા. બોરિવલીમાં આયોજિત ડાંડિયા નાઇટ્સમાં ચાર બંગડીવાળી ગાડીથી ખ્યાતિ મેળવના કિંજલ દવે પર્ફોર્મ કરશે. રંગરાત્રિ ડાંડિયા નાઇટ્સને પ્રમોટ કરવા કિંજલ દવે મુંબઈમાં અનેક સ્થળે ગરબા પ્રેમીઓને મળી ડાંડિયા નાઇટ્સમાં જોડાવાની અપીલ કરવા સિટી ટુર પણ કરશે.
આ અવસરે રંગરાત્રિ ગરબા નાઇટ્સના આયોજક સુનીલ રાણેએ કહ્યું કે, નવરાત્રિમાં મુંબઈગરા હંમેશ ઉત્સાહપૂર્વક જોડાતા રહ્યા છે. બોરિવલીમાં નવરાત્રિનું આયોજનનો એક અલગ જ રંગ જોવા મળે છે. અને આ વરસે રંગરાત્રિ ડાંડિયા નાઇટ્સના રંગમાં કિંજલ દવેનાં ગીત-સંગીતની ધૂમ પણ રહેશે.
