ક્રિસમસ નિમિત્તે પીનારાઓ માટે રાજ્ય સરકારની ખાસ જાહેરાત

ત્રણ દિવસ માટે દારૂની દુકાનો સવારે પાંચ વાગ્યા સુધી ખુલ્લી રહેશે

પીવાના શોખીનોને રાજ્ય સરકારે ખુશખબરી આપી છે. ક્રિસમસ અને ન્યૂ યરની ઉજવણીને ધ્યાનમાં રાખી રાજ્ય સરકારે એક મહત્વનો નિર્ણય લીધો છે. આ સમયગાળા દરમિયાન દારૂની પાર્ટી મોટા પાયે થતી હોવાથી આ વરસે ક્રિસમસ અને ન્યૂ યર નિમિત્તે દારૂની દુકાનો સવારે પાંચ વાગ્યા સુધી ખુલ્લી રહેશે. રાજ્યના મહેસૂલ વિભાગ દ્વારા આ નિર્ણયની જાહેરાત કરવામાં આવી છે.
એકસાઇઝ ડિપાર્ટમેન્ટ દ્વારા કરવામાં આવેલી જાહેરાત મુજબ ૨૪-૨૫ અને ૩૧ ડિસેમ્બર એમ ત્રણ દિવસ રાજ્યની દારૂની દુકાનો સવારે પાંચ વાગ્યા સુધી ખુલ્લી રહેશે.
મહેસુલ વિભાગની આ જાહેરાતને પગલે ક્રિસમસ અને ન્યૂ યરની ઉજવણી ધામધૂમથી કરવાની તૈયારી આલ્કોહોલના શોખીનો કરી રહ્યા છે. ત્યારે આ સમયગાળા દરમિયાન દારૂનું વેચાણ મોટા પાયે થવાની શક્યતા હોવાથી સરકારની મહેસૂલી આવકમાં પણ ભારે વધારો થઈ શકે છે.