ગોલ્ડન ટ્રેનની મહત્વપૂર્ણ સિદ્ધિની પશ્ચિમ રેલવે દ્વારા ઉત્સાહપૂર્વક ઉજવણી
મુંબઈ અને દિલ્હી વચ્ચે દોડતી પશ્ચિમ રેલવેની પ્રતિષ્ઠિત ટ્રેન રાજધાની એક્સપ્રેસે ૧૭ એપ્રિલ, ૨૦૨૫ના ગૌરવપૂર્ણ ૫૩ વરસ પૂરાં કર્યા. આ સીમાચિન્હ સમા પ્રસંગની અનોખી ઉજવણી પશ્ચિમ રેલવે કરવામાં આવી હતી. મુંબઈ સેન્ટ્રલ સ્ટેશન પર રેલ્વેના પ્રશંસકો અને પ્રીમિયમ ટ્રેનના ચાહકોની ઉપસ્થિતિમાં કાર્યક્રમનું આયોજન કરવામાં આવ્યું હતું. ફૂલોથી નવોઢાની જેમ શણગારાયેલી ટ્રેનને ધામધૂમ પૂર્વક લીલી ઝંડી આપવામાં આવી હતી.
પશ્ચિમ રેલ્વેના મુખ્ય જનસંપર્ક અધિકારી વિનીત અભિષેક દ્વારા જારી કરાયેલી અખબારી યાદીમાં જણાવવામાં આવ્યું હતું કે, આર્થિક રાજધાની અને દેશની રાજધાનીને જોડતી મુંબઈ – નવી દિલ્હી રાજધાની એક્સપ્રેસ માત્ર સાડા પંદર કલાકમાં ૧૩૮૦ કિલોમીટરનું અંતર કાપે છે. સાત રાજ્યોમાંથી પસાર થતી રાજધાની એક્સપ્રેસ એમાં મળતી સેવા માટે પણ જાણીતી છે. જોકે દેશની પહેલી રાજધાની એક્સપ્રેસ ૧૯૬૯માં કલકત્તા અને દિલ્હી વચ્ચે શરૂ થઈ હતી.
મુંબઈ દિલ્હી વચ્ચે શરૂ થયેલી રાજધાની એક્સપ્રેસની અનેક વિશેષતાઓ છે. જેમકે…
રાજધાની એક્સપ્રેસમાં ચાર ચેર કાર, એક ફર્સ્ટ ક્લાસ એસી, બે એસી સ્લીપર કોચ હતા અને અઠવાડિયામાં બે વાર દોડાવવામાં આવતી.
૧૯૭૫ : ફ્રિકવન્સી વધારીને અઠવાડિયામાં ત્રણ દિવસ કરવામાં આવી.
ઓક્ટોબર ૧૯૮૧માં કોચની સંખ્યા વધારીને ૧૮ કરવામાં આવી. એ સાથે ટ્રેનની ઝડપ જળવાઈ રહે એ માટે બે એન્જિન જોડાવામાં આવ્યા.
નવેમ્બર ૧૯૮૨થી ટ્રેન અઠવાડિયામાં ચાર વાર દોડાવવાનું શરૂ કરાયું. તો ૧૯૮૫માં ફ્રિકવન્સી વધારીને પાંચ દિવસની કરવામાં આવી. જ્યારે ૨૦૦૦ની સાલથી રોજ દોડાવવામાં આવી રહી છે.
૨૦૦૩માં રાજધાની એક્સપ્રેસમાં એલએચબી કોચ રજૂ કરવામાં આવ્યા. જ્યારે તેજસ પ્રકારના સ્લીપર કોચ રાજધાની એક્સપ્રેસમાં રજૂ કરવામાં આવ્યા.
