દહાણું તાલુકામાં ફટાકડા બનાવવાની ફેક્ટરીમાં આગ ભભૂકી ઉઠી હતી. ગુરુવારે સવારે કારખાનામાં જોરદાર વિસ્ફોટ થતાં આગ ફાટી નીકળી હતી. આ અકસ્માતમાં દસ લોકો દાઝી ગયા હતા જેમાથી પાંચની હાલત ગંભીર છે. ફાયરની ચાર ટ્રક ઘટનાસ્થળે પહોંચી ગઈ છે અને આગને કાબૂમાં લેવા પ્રયાસો ચાલુ છે. ઇજાગ્રસ્તોની હોસ્પિટલમાં સારવાર ચાલી રહી છે.
પાલઘર જિલ્લાના દહાણુ તાલુકાના દેહણે-પલે ખાતે ફટાકડા બનાવવાના કારખાનામાં આગ ભભૂકી ઉઠી હતી. પ્રાથમિક અંદાજ એ છે કે વેલ્ડીંગ દરમિયાન સ્પાર્ક થતા એક જોરદાર ધડાકો થયો. હતો. પાંચથી છ કિલોમીટરના અંતરેથી ગામ લોકો વિસ્ફોટ સાંભળી શક્યા હતા. આગ અને વિસ્ફોટોના દ્રશ્યો કેમેરામાં કેદ થયા છે.
આ ઘટનામાં દસ લોકો દાઝી ગયા હોવાનું જાણવા મળે છે જેમાથી પાંચની હાલત ગંભીર છે. ઘાયલોને દહાણુ આશાગડની ખાનગી હોસ્પિટલ સેવા નર્સિંગ હોમમાં દાખલ કરવામાં આવ્યા છે. આગને કાબૂમાં લેવા ફાયરના ચાર ગાડીઓ ઘટનાસ્થળે પહોંચ્યા છે અને આગને કાબૂમાં રાખવા શરતી પ્રયાસો ચાલુ છે. ઘટનાની તપાસ કરવા અને જાણ કરવા માટે ફાયર બ્રિગેડ અને સંબંધિત વિભાગોના અધિકારીઓ સાથે તહેસીલદાર સ્થળ પર પહોંચ્યા હોવાનું જાણવા મળે છે.
