સમીર વાનખેડે ૨૦૦૮ બેચના આઈઆરએસ અધિકારી છે. તેમની પ્રથમ પોસ્ટિંગ મુંબઈના છત્રપતિ શિવાજી મહારાજ ઇન્ટરનેશનલ એરપોર્ટ પર કસ્ટમ્સના ડેપ્યુટી કમિશનર તરીકે હતી.
નાર્કોટિક્સ કંન્ટ્રો બ્યુરો (NCB) ના વિભાગીય નિયામક સમીર વાનખેડેને ફરી એકવાર એક્સ્ટેંશન આપવામાં આવ્યું છે. તેથી, વાનખેડે આગામી છ મહિના સુધી એનસીબીના ઝોનલ ડિરેક્ટર તરીકે રહેશે. ૨ ઓક્ટોબરના રોજ, તેણે મુંબઈથી ગોવા માટે કોર્ડેલિયા ક્રૂઝ પર ડ્રગ પાર્ટી પર દરોડા પાડીને. અભિનેતા શાહરૂખ ખાનના પુત્ર આર્યન સહિત ૨૦ જેટલા આરોપીઓની ધરપકડ કરવામાં આવી હતી.
મહારાષ્ટ્રના રહેવાસી સમીર વાનખેડે ૨૦૦૮ બેચના આઈઆરએસ અધિકારી છે. તેમનું પ્રથમ પોસ્ટિંગ મુંબઈના છત્રપતિ શિવાજી મહારાજ ઇન્ટરનેશનલ એરપોર્ટ પર કસ્ટમ્સના ડેપ્યુટી કમિશનર તરીકે થયું હતું. તેમનું કાર્ય જોઈને તેમને આંધ્રપ્રદેશ અને દિલ્હી પણ મોકલવામાં આવ્યા હતા.
સમીર વાનખેડે ડ્રગ સંબંધિત કેસોમાં કામ પાર પાડવામાં નિષ્ણાત માનવામાં આવે છે. સમીર વાનખેડેના નેતૃત્વમાં છેલ્લા બે વર્ષમાં લગભગ ૧૭,000 કરોડ રૂપિયાના ડ્રગ રેકેટનો પર્દાફાશ થયો છે. સમીર વાનખેડેની તાજેતરમાં ડીઆરઆઈમાંથી નાર્કોટિક્સ કંટ્રોલ બ્યુરોમાં બદલી કરવામાં આવી છે. સમીર વાનખેડેની એનસીબીમાં એન્ટ્રીથી બોલિવૂડમાં ભયનું વાતાવરણ સર્જાયું હોવાનું કહેવાય છે.
2008 થી 2021 સુધી, તેમણે એર ઇન્ટેલિજન્સ યુનિટ (AIU) ના ડેપ્યુટી કમિશનર, નેશનલ ઇન્વેસ્ટિગેશન એજન્સી (NIA) ના વધારાના SP, ડિરેક્ટોરેટ ઓફ રેવન્યુ ઇન્ટેલિજન્સ (DRI) ના સંયુક્ત કમિશનર અને હવે નાર્કોટિક્સ કંટ્રોલ બ્યુરો (એનસીબી)વિભાગીય નિયામક સહિત વિવિધ મુખ્ય હોદ્દાઓ ૨૦૦૮ થી ૨૦૨૧ દરમિયાન સંભાળ્યા છે
સમીર વાનખેડે ગાયક મીકા સિંહને ૨૦૧૩મા મુંબઈ એરપોર્ટ પર વિદેશી ચલણ સાથે પકડ્યો હતો. તેણે અનુરાગ કશ્યપ, વિવેક ઓબેરોય અને રામ ગોપાલ વર્મા સહિત અનેક બોલિવૂડ સેલિબ્રિટીઓની મિલકતો પર દરોડા પાડ્યા છે. ૨૦૧૧માં ગોલ્ડ પ્લેટેડ ક્રિકેટ વર્લ્ડ કપ ટ્રોફીને પણ કસ્ટમ ડ્યૂટી ચૂકવ્યા બાદ જ મુંબઈ એરપોર્ટથી બહાર નીકળવાની મંજૂરી આપવામાં આવી હતી.
