ભારતના હૃદય ગણાતા મધ્ય પ્રદેશે પર્યટન ક્ષેત્રમાં નવી ઇતિહાસ રચ્યો છે. રાજ્યએ દેશનું પ્રથમ પીએમ-શ્રી ટુરિઝમ હેલિકોપ્ટર સેવા શરૂ કરીને પ્રવાસીઓને અનોખો અને સુલભ હવાઈ અનુભવ આપવાનો સંકલ્પ વ્યક્ત કર્યો છે.
ભોપાલના રાજા ભોજ આંતરરાષ્ટ્રીય હવાઇમથક પરથી મુખ્ય પ્રધાન ડૉ. મોહન યાદવે આ સેવાનું ઔપચારિક ઉદ્ઘાટન કર્યું અને ચાર હેલિકોપ્ટરોને ઉજ્જૈન તરફ લીલી ઝંડી બતાવી. મધ્ય પ્રદેશ પ્રવાસન બોર્ડ દ્વારા સંચાલિત આ સેવા રાજ્યના ધાર્મિક, વન્યજીવન અને હેરિટેજ સ્થળોને હવાઈ માર્ગે જોડશે.
૨૦ નવેમ્બર, ૨૦૨૫થી ત્રણ પર્યટન ક્ષેત્રોમાં નિયમિત હેલિકોપ્ટર સેવા શરૂ થશે — ઈન્દોર-ઉજ્જૈન-ઓમકારેશ્વરથી લઈ ખજુરાહો, બાંધવગઢ, કાન્હા સુધીના મુખ્ય સ્થળોને આવરી લેશે. પબ્લિક-પ્રાઈવેટ પાર્ટનરશિપ મૉડેલ હેઠળ મેસર્સ ટ્રાન્સ ભારત એવિએશન અને જેટ સર્વ એવિએશન પ્રા. લિ. સાથે કરાર કરવામાં આવ્યો છે.
એડિશનલ મુખ્ય સચિવ શિવ શેખર શુક્લાના જણાવ્યા મુજબ, આ પહેલ રાજ્યના પર્યટનને નવી ગતિ આપશે. એન્ડ-ટુ-એન્ડ અનુભવ સાથે પ્રવાસીઓ ટેક્સી, હોટેલ, મંદિર પ્રવાસ, જંગલ સફારી વગેરે સર્વિસ એક જ પેકેજમાં માણી શકશે.
આ હેલિકોપ્ટર સેવા મધ્ય પ્રદેશને રાષ્ટ્રીય અને વૈશ્વિક ટુરિઝમ નકશા પર વધુ ઊંચું સ્થાન અપાવશે — જ્યાં પ્રવાસની દરેક ક્ષણ આકાશમાં નવી ઉડાન ભરશે.
