ટીઆરપીમાં સતત ટૉપ-5માં રહેતી સટાર પ્લસની સિરિયલ અનુપમામાં કામ કરતી બે મુખ્ય અભિનેત્રીઓ સાથે મિથુન ચક્રવર્તીને સીધો સંબંધ છે. એક તો મદાલસા જે મિથુનની પુત્રવધૂ છે. જ્યારે બીજી છે રૂપાલી ગાંગુલી જે મિથુનની હીરોઇન રહી ચુકી છે.
વાચકોની જાણ ખાતર અનુપમાની મુખ્ય અભિનેત્રી રૂપા ગાંગુલીએ 1996માં આવેલી અનિલ ગાંગુલીની ફિલ્મ અંગારામાં મિથુનની હીરોઇન તરીકે કામ કર્યું હતું. હકીકતમાં અનેક નેશનલ અવૉર્ડ વિજેતા દિગ્દર્શક અનિલ ગાંગુલીની રૂપા દીકરી છે.
તાજેતરમાં મિથુન ચક્રવર્તી અનુપમાના સેટ પર મદાલસાને મળવા આવ્યા ત્યારે અનુપમાએ પણ મિથુન સાથેની એની યાદોને તાજી કરી હતી. રૂપાલીએ મિથુન સાથેનો ફોટો શેર કરવાની સાથે એક ખાસ નોટ લખી હતી. રૂપાલીએ જણાવ્યું કે એણે હીરોઇન તરીકેની પહેલી ફિલ્મ મિથુનદા સાથે જ કરી હતી. સેટ પર પાપા અને મિથુન મારા પર ઘણીવાર ચીડાઈ જતા. એ સાથે રૂપાલીએ જણાવ્યું કે એણે પહેલીવાર મિથુન સાથે કેમેરા ફેસ કર્યો ત્યારે એ માત્ર ચાર વરસની હતી.
એ સાથે રૂપાલીએ એક કિસ્સાને યાદ કરતા કહ્યું કે, ડાન્સ ઇન્ડિયા સુપર મૉમ્સના સેટ પર મમ્મી ઑડિશન આપવાં ગઈ ત્યારે હું ચિયર કરવા ગઈ હતી જેમાં મિથુન ચક્રવર્તી જજ હતા. મિથુનને મમ્મીનું પર્ફોર્મન્સ ઘણું પસંદ આવ્યું. પર્ફોર્મન્સ પૂરૂં થયા બાદ મિથુને રૂપાલીની માતાને પગે લાગ્યો. ત્યાર બાદ રૂપાલી મિથુનને પગે લાગી અને ગળે વળગી હતી.
અનુપમામાં મિથુન ચક્રવર્તીની પુત્રવધૂ મદાલસા કાવ્યાની ભૂમિકા ભજવી રહી છે. શોમાં મદાલસા અને અનુપમા વચ્ચે બારમો ચંદ્રમા છે. હકીકતમાં શોમાં દર્શાવાયું છે કે મદાલસા (કાવ્યા)નું રૂપાલી (અનુપમા)ના પતિ સુધાંશુ (વનરાજ) સાથે અફેર ચાલી રહ્યું છે અને એને કારણે અનુપમા અને વનરાજ છૂટાછેડા લે છે. ત્યાર બાદ કાવ્યા અને વનરાજ લગ્ન કરે છે. જોકે છૂટાછેડા બાદ પણ અનુપમા એજ ઘરમાં રહે છે.
