તારક મહેતા કા ઉલ્ટા ચશ્મામાં હાલ ઉલ્લાસનું વાતાવરણ છે. મિશન કાલા કૌઆની સફળતાથી માત્ર પોપટલાલ જ નહીં, જેઠાલાલ સહિત તમામ સભ્યો ખુશખુશાલ છે અને તેમની આ સફળતાનો આનંદ ચારેકોર છવાયો છે. ગોકુળધામ સોસાયટીમાં જાણે કોઈ ઉત્સવની તૈયારી ચાલી રહી હોય એવું લાગી રહ્યું છે. તેમને પોપટલાલના ધૈર્ય અને સાહસ પર ગર્વ છે. ગોકુળધામવાસીઓ પોપટલાલ સાથે રિસોર્ટમાં જઈ પાર્ટી કરવા માગે છે.
પાર્ટીનું નામ સાંભળીને સોઢીની આંખો ચમકવા લાગે છે. એ અન્ય પુરુષ ગેંગની સાથે રિસોર્ટ ખાતે શાનદાર પાર્ટીનું પ્લાનિંગ કરી રહ્યો છે. તો પોપટલાલના બૉસ અને તૂફાન એક્સપ્રેસના તંત્રી પણ પોપટલાલને મિશનમાં મળેલી સફળતાના શુભેચ્છાઓ આપી રહ્યા છે. એટલું જ નહીં, તેઓ પોપટલાલ માટે સ્પેશિયલ ગિફ્ટનું પણ પ્લાનિંગ કરી રહ્યા છે.
ગોકુળધામ સોસાયટીની પુરુષ ગેંગ અને અન્ય સભ્યો પોપટલાલની સાથે પાર્ટી મનાવવા રિસોર્ટ જવા નીકળે છે. ત્યાં તૂફાન એક્સપ્રેસના તંત્રી પણ પોપટલાલ માટે કોઈ સરપ્રાઇઝ પ્લાન કરી રહ્યા છે. શું મિશન કાલા કૌઆની સફળતા પોપટલાલ માટે કોઈ ખાસ શુભ સમાચાર લાવી રહ્યું છે કે…?
